‘குணசுந்தரி எழுதிய தேர்வு’ என்பது புகழ்பெற்ற எழுத்தாளர் யூமா வாசுகி எழுதிய மனதிற்கு நெருக்கமான அழகிய படைப்பாகும். பள்ளி செல்லும் ஒரு சிறுமியின் உலகத்தையும், அவளது கள்ளமில்லா கனவுகளையும், கல்வி மற்றும் இயற்கையோடு அவளுக்குள்ள இனிமையான பிணைப்பையும் மிக எளிமையாகச் சொல்லும் நூல் இது.

‘கயிறு’ கதை மாணவர்களிடம் அவர்களை அறியாமல் அவர்களிடம் மறைமுகமாகத் திணிக்கப்படும் சாதிய உணர்வுகளை, சாதிப் பாகுபாடுகளை எளிமையாக அதே நேரம் ஆழமாக கேள்விக்கு உட்படுத்தும் மிக முக்கியமான ஒரு படைப்பாகும். தமிழின் வெளிவந்த சிறார் இலக்கியங்களில் சிறந்த ஒரு படைப்பாக பலராலும் பாராட்டப்படுகிறது. தமிழில் வெளிவந்த சிறார் நூல்களில் இலட்சக்கணக்கில் விற்பனையாகி சாதனை படைத்த நூல்.

பலம் வாய்ந்த யானை, சிறு நத்தையை நசிக்கிவிடாமல் காத்த கதைதான், ‘யானைக்கு என்னாச்சி?’ சிறியதொரு கதைதான். ஆனால் சொல்லும் செய்தி முக்கியமானது. ஆகாசுக்குப் புரிந்தது, நமக்கும் புரிய வேண்டும். புரியும்.